فرید جاوید

فرید جاوید
معلومات شخصیت
پیدائش	8 اپریل 1927ء   سہارنپور ،  برطانوی ہند
وفات	2 دسمبر 1977ء (50 سال)  کراچی ،  پاکستان
مدفن	سخی حسن ،  کراچی
شہریت	پاکستان
عملی زندگی
پیشہ	شاعر
پیشہ ورانہ زبان	اردو
باب ادب

فرید جاوید (پیدائش: 8 اپریل، 1927ء - وفات: 27 دسمبر، 1977ء) پاکستان سے تعلق رکھنے والے اردو کے خوش بیان شاعر تھے۔

حالات زندگی

فرید جاوید 8 اپریل، 1927ء کو سہارنپور، اترپردیش، برطانوی ہندوستان میں پیدا ہوئے تھے۔ تقسیم ہند کے بعد وہ پاکستان منتقل ہو گئے اور درس و تدریس کے شعبے سے وابستہ ہوئے۔ ان کا مجموعہ کلام سلسلہ تکلم کا کے نام سے اشاعت پزیر ہو چکا ہے۔

تصانیف

• سلسلہ تکلم کا

نمونۂ کلام

غزل

ابھی مکاں میں ابھی سوئے لامکاں ہوں میں		ترے خیال تری دھن میں ہوں جہاں ہوں میں
کلی کلی متبسم ہے آرزوؤں کی		قدم قدم پہ محبت میں کامراں ہوں میں
نوا نوا میں مری زندگی مچلتی ہے		رباب حسن و محبت پہ نغمہ خواں ہوں میں
مرا تجسس پیہم ہے زندگی آموز		مجھے قرار نہیں ہے رواں دواں ہوں میں
فنا کی زد سے ہے محفوظ زندگی میری		شعار اپنا محبت ہے جاوداں ہوں میں
یہ اعتبارِ گل و گلستاں مجھی سے ہے		یہ اور بات کہ پروردۂ خزاں ہوں میں
یہ کون دیکھ رہا ہے مجھے حقارت سے		غبارِ راہ نہیں میرِ کارواں ہوں میں

شعر

گفتگو کسی سے ہو، تیرا دھیان رہتا ہے

ٹوٹ ٹوٹ جاتا ہے، سلسلہ تکلم کا

وفات

فرید جاوید 27 دسمبر، 1977ء کو کراچی، پاکستان میں وفات پاگئے۔ انھیں کراچی کے سخی حسن قبرستان میں سپردِ خاک کیا گیا۔